Konektor MCP
Shtoje Revion si konektor te Claude dhe pyet me fjalë të thjeshta: kërko regjistrin e bizneseve, përgatit mesazhe, menaxho listime e oferta. Pa eksporte, pa kopjim, pa kod.
Si funksionon
Konektori përdor MCP, standardin e hapur me të cilin Claude lidhet me sisteme të jashtme. Ti ngjit vetëm adresën — pjesën tjetër e bën Revio.
Te Claude, shto një konektor të personalizuar dhe ngjit adresën e Revios. Asgjë tjetër për të konfiguruar — pa çelësa, pa token-a.
Hyn me llogarinë tënde të Revios dhe zgjedh çfarë lejesh i jep. Konektori punon si ti — sheh vetëm atë që sheh dhe llogaria jote.
"Gjej kompanitë e teknologjisë në Tiranë me email" ose "përgatit një prezantim për këto pesë". Claude punon me të dhënat e tua reale.
Në bisedë
I njëjti akses që ke te paneli, por i shkruar me fjalë. Claude i gjen vetë filtrat, sektorët dhe qytetet.
Mbi 300 mijë biznese, të filtrueshme sipas sektorit, kategorisë, kodit NACE dhe zinxhirit qark → rreth → bashki → zonë.
Email dhe WhatsApp nga shabllonet e tua, me variablat e plotësuara. E lexon tekstin e saktë para se të nisë gjë.
Krijo e përditëso kërkesa, oferta, produkte, shënime dhe etiketa — pa hapur panelin.
Kalo bizneset e gjetura te CRM-ja si lead-e. Ato të konvertuara më parë kapërcehen vetë sipas NIPT-it.
Kontrolli
Konektori nuk merr më shumë se ç'i jep. Dhe dërgimet — të vetmet që kushtojnë — rrinë të fikura derisa t'i ndezësh vetë.
Në ekranin e aprovimit ndan leximin nga shkrimi dhe nga dërgimi. Një konektor vetëm-lexim s'i sheh fare mjetet që shkruajnë.
Email-et dhe WhatsApp-i nuk nisen derisa t'i lejosh nga cilësimet, dhe kanë një kufi ditor marrësish që e cakton ti.
Të dhënat e QKB-së i përdorin të gjithë abonentët, ndaj asnjë konektor nuk mund t'i ndryshojë. Lexohen, nuk preken.
Konektori punon brenda llogarisë dhe abonimit tënd. Të dhënat e abonentëve të tjerë nuk janë të arritshme, kurrë.
Lidhe në një minutë dhe pyet gjënë e parë. Fillo falas.
English